Maradekana Moncongkomba (Puisi)

Judul:
Maradekan Moncongkomba

Penulis:
Muchtar Djaya Daeng Rau

Editor: Damar I Manakku

Desain Sampul & Tata Letak: Damar I Manakku

Penerbit: Pakalawaki Penerbitan dan Percetakan

Cet. I, September 2024
viii + 130 hlm ; 13 x 19 cm

LASSUKA RI PAMMUMBANG

Ditulis: Arfah DengKa' #Sajak Panrita

Kupakalukmi sikkok ayakku

Kutokeng sembangangku

Kupalewa toddokpuliki

Nakupinaknak panjarrekingku

Salloma sannang attayang tekne pakmai

Mingka battua gossa-gossa angngerang pakrisik nyawa

Anne kamma ribunduk pammedangangku

Ritajalli pannakgalakku

Kukeremi bata-bataku

Kupelak mallakku

Kukaddangngang ranggaselaku kapunna teai inakke inaipa poe

Ka i kau ambarakmi pannakgalaknu

Ammalisikmi toddok pulinu

Annallangngang sirik

Appamawang kuntu tojeng

Inakke minne lassuka ripammumbang

Ammentenga rikatojengang

Jari pabundu

Pattutturang tau rewa

Barani siasorok

Tamallak sionjok tompo bangkeng

Ko'mara ulungku moncongkomba batangkalengku

Polongbangkeng tonrang

Jeknekku

Attunrayya ammonok ilalang bunduk

Allemi bajika takgalakmi sunggua

Mingka sirikku toddok puliku

Tena cinikangna takbubbu ri talenjekna

LAMUNGANG LA MATTIMBOA

Ditulis: Arfah DengKa' #Sajak Panrita

Rerama anne addongkok rinakkukku

Jannang ri kuring-kuringku

Ampinaknaki pasangna tupanritaya

Pappasang rekak tarekakku

Mangngantalaimak ri tunggalak wattua

Kabatttuang lamungang lamaktimbowa

Ambateiai padongkokna

Keknaning gesaraka pangnakgalakna

Sallo salloma attayang ritontongang pijappukku

Ri pakkekbuk panjarrekingku

Kerei mae kabattuangna

Tau lampadongkoki adaka ribiasana

Amparentai tau jaia rierokna

Ampaentengi sirika

Ampaloloki paccena tumabuttaya

Sallo tojengma anne taja

Attayang ripaladang pakguruangku

Ri paranglakkeng sarea'ku

Angrakaki panjarekingku

Angngakluki ilorok tappa takasambeang

Punna paeng sallo inja

Punna paeng bella inja

Ri bella mabellayya

Ri ta mambani-bania

Takurapikpa kukayao

Takucinik ri kasarakna

Alusukna tommo kuloserang ri tinroku

Sumangakna mamo ku rakak ri soknaku

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.